رسالة من مسيحي لمسلم
حقك تغضب
لكن مش من حقك ابدا
تيجي عليا لاني اخوك
...
اصرخ اهتف
...هصرخ زيك واهتف زيك
ايدي في ايدك عاللي عادوك
حقك ترفع لا للظلم
هرفع مليون لا وياك
وجعك وجعي ونفس الهم
ومكاني جمبك ووراك
دمعك دمعي ووطنك وطني
لكن دمي ودمك لا
الي في ايدو الفتنة لمحني
جمبك فرقنا ببلاه
لكن لا
لا لشيطان الفتنة
واوعك حاسب دمي بلاش
لما انت هتقتلني بايدك
وعشان راي بقيت مسواش ؟
ليه ساكن علي ارض بلادي
ليه شايفك م نيلها بتشرب
وطالما دمي رخيص وانا اخوك
اومال ليه في حقوقي بتطلب ؟
اديني فرصة وخدني في حضنك
وابعد عنا سموم الفتنة
اللي فتنا عاوزني احاربك
علشان ينهب مستقبلنا
مسلم انت ولا مسيحي
بردو انا اخوك
تبقي مؤيد ولا معارض
هفضل اخوك
فكرك غيري بس مصيرك
هو مصيري
شمسك شمسي ونيلك نيلي
وخيرك خيري
مد ايديك في ايدية وقول للفتنة دي لا
اللي ما بيني وبينك نيل ووطن وحياة
مصر بتبكي مصر بتصرخ يا اولاد لا
مش دي زي ما امك امي
خيرها ونيلها فيك وفي دمي
ازاي اموت بابدك قدامها
وانت اخوية وصحبي وعمي
ابقي مؤيد تبقي معارض
بس خلاف الراي يجوز
لكن ودي وودك اقوي
صدقني من اي كنوز
ارحم حقي في خوفي عليك
بص الدنيا من حواليك
الف شيطان بيقولك دوسني
علشان ما تسلمه بايدك
امنا مصر خاضعة ذليلة
بعد ما خابت بيا وبيك
مصر امانة وطنا امانة
ودمي حرام
الف خيانة تبيعني
عشان فتنة واوهام
خلي عدو بلادنا يشوفنا
قوة وجاه
خلي اللي يفكر يعادينا
يقول دول لا
خدني في حضنك يا ابن بلادي
خليني اعيش واربي ولادي
واطمن انا ديما جنبك عاللي يعادي
وان كنت اانا غلطان يا اخي سماح المرادي
بس بلاش الدم حرام
اومال لو مت انا بايدك وانت اخوية
من بعدي هيربي ولادي ؟؟؟؟؟؟؟؟؟؟
ارحم دمي يابن بلادي
اتمني اعرف ارئكم في مشكله المسيحي والمسلم احنا كلنا مصرين واخوات لكن في ناس كتير يزعلها ده
ياتري ليه ؟؟؟
وعايزين كده ليه ؟؟؟؟؟
مستنيه ارائكم
وشكررااااااااااااااااااااااااااااا