بصراحة انا بكتب الموضوع دة وانا مصابه بحاله من الضيق بجد زعلانه على حال بلدنا زعلاهن عشان انا شايفه بلاد تانية لسة تاريخ نشأتهم بيرجع الي سنوات تكاد تعد على اصابع اليد وبلدهم تلاقيها في قمة النظام والتطور والرقي ومش هقول بلاد اوربية والله ابدا دي بلاد عربية بجد بزعل على حال بلدنا لما امشي مثلا في البلد اللي بحكيلكم عنها د ي والاقي الشوارع جميلة والزهور والخضرة محاوطاك من كل جانب بزعل لما اروح اخلص مصلحة معينة في هيئة حكومية والاقي تعامل في قمة الشياكة والاحترام من الناس بزعل لما الاقي كل شئ متوفر حوليا وكل الامور بتمشي بنظام بزعل عشان لية مصر بقت شكلها بالعشوائية د ي لية مصر كل حاجة فيها تخبيط وتكسير ومافيش شكل حضاري فرحانين بالتاريخ بتاعنا من غير ماحنا نكون عملنا لنفسنا احنا تاريخ طب الفراعنة عملو واحنا لغاية دلوقتي بنقول انهم عملو هل ياترى لما احنا نمشي والاجيال اللي بعدنا هتقول علينا اية هتقول عملنا اية نفسي يا جماعة مصر ترجع نظيفة انا ياجماعة بطلب اننا احنا نفسنا نتتغير لان الفرد الواحد هو جزء من كل الكيان الكبير يعني لو كل واحد بدل مايكشي يرمى ورقو ولا سجاير ولا مش عارف اية مايرميش ويحافظ على نظافة المكان اللي فية اكيد البلد كلها هتكون جميلة لو كل واحد غير من نفسة هنلاقي البلد كلها اتغير نفسي بجد مصر ترجع اجمل بلد عربية بدل ماحنا كل يوم بنرجع للخلف وبنعيش بس على اطلال الماضي سامحوني على الاطاله