هتكلم النهاردة عن التسول
الحكاية دية كترت اووووي
بجد في ناس بقيت شغلتها انها تتسول يعني الواحد بقي ينزل من مطعم ولا حاجة تلاقي 17ولد جايين عليك
والنبي يابلة علشان خاطري ياابلة
والنبي يااستاذ علشان خاطري يااستاذ
علي اساس اننا في مدرسة
وينطوا فوقك وانت بتمشي وياسلام لو طلعت واديت واحد التباتة بقي تبان وكل الناس اللي معاه يجرورا وراك
وتبقي خلاص هتفرقع
طبعا انا مع ان الواحد لازم يكون كريم بس بلاحظ بجد ان فيا ناس مش بتكون محتاجة للدرجة وبجد بتعملها مهنتها وتتصرف بتباتة بقي ولاصقة
والناس دية كترت جدا وكمان بتوصل لان ممكن تكون شايل حاجة يحاولوا ياخدوا منها او يقعدوا طب اديني حبة والنبي نفسي فية علشان خاطري وتبقي مش عارف تعمل اية معاهم
لذلك اسالكم بقي
اية رايكم في الظاهرة دية؟
وانا مش بتكلم عن الناس اللي فعلا فقيرة ومش لاقية بس الناس اللي بتجيب العيال وتشغلهم ونلاقي مجموعة واقفة عمالة تشحت ؟
وبتعمل اية معاهم بامانة ؟
ونعمل اية علشان نحد حتي من الموضوع دة ؟
_________________
.
.
.
.